Hans Hein Nysom () var ein norsk prest og eidsvollsmann frå Drammen. Nysom var fødd på Bragernes i Drammen, der far hans var kjøpmann. Han vart personalkapellan til Eiker i 1788, og residerande kapellan til Våle i Vestfold i 1800. År 1802 vart han sokneprest i Botne i Vestfold, eit embete han hadde til han i 1831 døydde på prestegarden der.
Nysom var i 1814 utsending frå Holmestrand til riksforsamlinga på Eidsvoll. På Eidsvoll slutta han seg til sjølvstendepartiet.
Kjelder
Tallak Lindstøl: Stortinget og Statsraadet 1814-1914. Kristiania, 1914
Kategori:Eidsvollmenn Kategori:Norske prestar Kategori:Folk frå Drammen