Georg Martin Hjorth () var ein norsk embetsmann som representerte Søndre Bergenhus amt på Stortinget i 1839.
Hjorth var son til ein gardbrukar på Ogna i Rogaland. Sjølv tok han norsk juridisk eksamen i 1826, etter å ha arbeidd 1819-24 på sorenskrivarkontoret for Jæren og Dalane og som sorenskrivarfullmektig i Mandal. Frå 1826 var han fullmektig hos sorenskrivaren i Søndre Jarlsberg, der etter frå 1831 underrettsprokurator i Søndre Bergenhus. Tida 1833-36 var han òg forvaltar av godset Rosendal, fut på godset frå 1844. Sidan var han frå 1850 sorenskrivar i Ytre Sogn, frå 1864 notarius publicus i Bergen og til sist by- og rådstuskrivar i Kristiansand frå 1866.
Hjorth vart vald til fyrste representant frå Søndre Bergenhus til Stortinget 1839, der han var sekretær i komiteen om militærutgiftene.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1839-1841 Kategori:Norske sorenskrivarar Kategori:Folk frå Hå